Madras High Court stays release of Vishal and SJ Suryah starrer Mark Antony? హీరో విశాల్‌కు షాక్‌.. ‘మార్క్‌ ఆంటోనీ’ రిలీజుపై మద్రాస్‌ హైకోర్టు స్టే.. కారణమేంటంటే?

కోలీవుడ్‌ స్టార్‌ హీరో విశాల్‌ కొత్త సినిమా ‘మార్క్ ఆంటోని’ సెప్టెంబర్ 15న విడుదల చేసేందుకు దర్శకనిర్మాతలు అన్ని ఏర్పాట్లు చేసుకున్నారు.అయితే ‘మార్క్ ఆంటోని’ విడుదలపై మద్రాసు హైకోర్టు స్టే విధిస్తూ ఆదేశాలు జారీ చేసింది. ఒక ఫైనాన్స్‌ వ్యవహారానికి సంబంధించిన కేసును విచారించిన కోర్టు మార్క్‌ ఆంటోనీ రిలీజుపై స్టే విధించింది.దీంతో కోలీవుడ్ హీరో విశాల్ కు కోర్టులో ఎదురు దెబ్బ తగిలినట్లుగా అయ్యింది. వివరాల్లోకి వెళితే.. ప్రముఖ తమిళ చిత్ర నిర్మాణ సంస్థ లైకా ప్రొడక్షన్ నటుడు విశాల్‌పై కేసు నమోదు చేసింది. లైకా ప్రొడక్షన్స్‌కు విశాల్ 21.29 కోట్లు చెల్లించాల్సి ఉంది. ఆ చెల్లింపులు చేయకపోవడంతో 15 కోట్లను నిర్ణీత గడువులోగా చెల్లించాలని కోర్టు ఆదేశించింది. అయితే విశాల్ 15 కోట్లు చెల్లించకపోవడంతో ఇప్పుడు ‘మార్క్ ఆంటోని’ విడుదలపై కోర్టు స్టే విధించింది. అంతేకాదు సెప్టెంబర్ 12న విశాల్‌ను కోర్టుకు హాజరు కావాలని ఆదేశించింది. సెప్టెంబర్ 15న ఇతర తమిళ లేవీ విడుదల కాకపోవడంతో ‘మార్క్ ఆంటోని’ని సోలోగా విడుదల చేయాలని భావించారు మేకర్స్‌. దీంతో కు భారీ కలెక్షన్లు వస్తాయని అంతా భావించారు. అయితే కోర్టు ఆదేశాలతో చివరి క్షణంలో చిత్ర బృందం ప్లాన్‌ రివర్స్‌ అయింది. సెప్టెంబర్ 15లోగా విశాల్ 15 కోట్లు చెల్లిస్తే కోర్టు విధించిన స్టే ఎత్తివేసే అవకాశం ఉంది.